Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
O‘QUVCHILAR – DAVLAT XIZMATLARI MARKAZIDA
2020-02-22 12:35:37 1147
Tumanimizdagi 28-umumiy o‘rta ta’lim maktabi bitiruvchilari davlat xizmatlari markaziga tashrif buyurdi. Markaz direktori hamda mutaxassislar Ularga davlat xizmatlari markazi faoliyati haqida batafsil ma’lumot berishdi. O‘quvchi-yoshlar ko‘plab davlat xizmatlaridan, jumladan, infokiosk va elektron navbatdan foydalanishni amalda sinab ko‘rishdi.
SHuningdek, fuqarolar tomonidan ko‘p foydalanilayotgan elektr, ichimlik suvi va gaz tarmoqlariga ulanish hamda ushbu tarmoqlar bo‘yicha hisobga olish uskunalarini echish va o‘rnatishga ariza yuborish, sudlanmaganlik (yoki sudlanganlik) to‘g‘risida ma’lumotnoma olish va boshqa xizmatlardan foydalanish tartiblari aytib o‘tildi. Bitiruvchilarga oliy o‘quv yurtlariga o‘qishga kirish uchun DXM orqali hujjat topshirishning afzallik tomonlari tushuntirildi.
Barcha davlat xizmatlaridan YAgona interaktiv davlat xizmatlari portali – “my.gov.uz” orqali ham foydalanish, identifikatsiyalashning yagona tizimi – “id.gov.uz”da ro‘yxatdan o‘tib, shaxsiy kabinet yaratish va murojaat yuborish borasida ma’lumot berildi.
Bekzod UMARQULOV,
Uchko‘prik tuman davlat xizmatlari markazi direktori