Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
MAQBARA TA’MIRLANIB, ATROFI OBODONLASHTIRILMOQDA
2020-03-18 11:11:15 948
“Farg‘ona haqiqati” gazetasining joriy yil 19 fevraldagi 14-sonida chop etilgan “E’tibordan chetda qolgan maqbara” nomli tanqidiy material Uchko‘prik tumani hokimligi mas’ullari ishtirokida o‘rganib chiqildi.
Material muallifi Otabek Xolmatov tumandagi Sariqo‘rg‘on qishlog‘ida joylashgan “SHahid buvo” maqbarasi va uning atrofidagi hududda obodonlashtirish ishlari talab darajasida emasligini qayd etgan.
O‘rganish davomida aniqlanishicha, tuman hokimligi va mahalla faollari tomonidan maqbarada bir necha marta joriy ta’mirlash ishlari amalga oshirilgan. Qo‘rg‘on hududida har yili hashar yo‘li bilan bilan obodonlashtirish ishlari amalga oshirib kelinadi.
Tanqidiy material gazetada e’lon qilinganidan so‘ng, qadimiy ziyoratgoh atrofida yana bir bor obodonlashtirish va tozalash ishlari amalga oshirildi. Bundan tashqari, yaqin kunlarda maqbarani ta’mirlash, qo‘rg‘on hududiga o‘rindiqlar o‘rnatish va ziyoratchilar uchun boshqa qulayliklar yaratish rejalashtirilgan.