Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
TUMAN HOKIMI BOZORDAGI NARX-NAVO BILAN TANISHDI
2020-04-16 11:38:22 1042
Uchko‘prik tumanida koronavirus pandemiyasiga qarshi kurashish choralarining amal qilish davrida tuman aholisini asosiy turdagi oziq-ovqat mahsulotlari bilan uzluksiz va qulay sharoitda ta’minlash hamda narx-navo barqarorligini saqlash bo‘yicha tizimli ishlar amalga oshirilmoqda.
Tuman hokimi Akmaljon Mahmudaliev va sektor rahbarlari, Bosh prokuratura huzuridagi departament mutasaddilari tomonidan doimiy ravishda bozordagi narx-navolar ko‘zdan kechirilib, sotuvchilarga narx-navoni sun’iy oshirmaslik yuzasidan tushuntirish ishlari olib borilmoqda.
Xususan, 14 aprel kuni narxlarning sun’iy oshib ketishini oldini olish maqsadida tuman hokimi Akmaljon Mahmudaliev va sektor rahbarlari Dehqon bozorida, savdo do‘konlarida bo‘lib, oziq-ovqat va qishloq xo‘jaligi mahsulotlarining ayni kundagi narxlari hamda zahiralari bilan tanishdi.
SHuningdek, tuman hokimi mutasaddilarga bozor hududida sanitariya-gigiena talablari asosida ish tashkil etish, bozor va savdo do‘konlarida tozalov-dezinfeksiya tadbirlari muntazam amalga oshirilishini ta’minlash, qishloq xo‘jaligi va asosiy turdagi mahsulotlar narxining sun’iy oshib ketishiga yo‘l qo‘ymaslik, tadbirkor va xaridorlarga targ‘ibot-tashviqot ishlarini kuchaytirish yuzasidan aniq ko‘rsatmalar berdi.
