Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Замонавий пахта қабул қилиш маскани фойдаланишга топширилди
2022-09-08 10:20:35 166
Учкўприк туманининг “Қораянтоқ” маҳалла фуқаролар йиғини ҳудудида замонавий пахта қабул қилиш маскани фойдаланишга топширилди.
Шу муносабат билан ташкилланган тадбирда Учкўприк тумани ҳокими Аброржон Асқаров, сектор раҳбарлари, Global textile пахтачилик кластери вакиллари, нуронийлар иштирок этди.
Жорий йилнинг июнь ойида туманда замонавий пахта қабул қилиш маскани, пахта тозалаш заводи, биолаборатория ва Agrotex мажмуаси қурилишига тамал тоши қўйилган эди.
Қарийб 13 гектар майдонда барпо этилаётган янги мажмуанинг лойиҳа қиймати 10 миллион долларни ташкил этади. 2023 йилнинг биринчи чорагида фойдаланишга топширилиши режалаштирилган лойиҳани амалга ошириш натижасида 400 та янги иш ўрни яратилади.
Дастлабки босқичда замонавий пахта қабул қилиш маскани бунёд этилиб, жорий йил пахта ҳосилини қабул қилишни бошлади. Лойиҳанинг кейинги босқичларида пахта тозалаш заводи, биолаборатория ва Аgrotex мажмуаси қурилиши кўзда тутилган.