1. Бош сахифа
2. Янгиликлар

Юрт байроғи – миллат ғурури

Бугун мамлакатимизда, шу жумладан Учкўприк туманида 18 ноябрь – Ўзбекистон Республикаси Давлат байроғи қабул қилинганлигининг ўттиз уч йиллиги кенг нишонланмоқда. Маҳаллалар, ташкилот ва муассасалар, таълим даргоҳларида ушбу тарихий сана муносабати билан "Юрт байроғи – миллат ғурури” шиори остида ватанпарварлик руҳидаги маданий-маърифий тадбирлар ўтказилмоқда.
Туман маданият марказида ўтказилган тантанали тадбирда секторлар ҳамда корхона, ташкилот, муассасаларнинг раҳбарлари, ўқувчи ва талаба ёшлар, кенг жамоатчилик ва оммавий ахборот воситалари вакиллари иштирок этди.
Байрам тадбирида ўқиб эшиттирилган туман ҳокимининг табригида Ватаннинг суврати, меҳру таровати, халқнинг мардонавор ўтмиши, бугунги фидокорлиги ва истиқболи акс этиб турган байроғимиз барчамизнинг қалбимизни фахр ва ғурурга тўлдириши эътироф этилди.
Тадбирда давлат рамзларининг муқаддаслиги, миллий байроғимиз давлат ва жамият ҳаёти, унинг жаҳон ҳамжамиятидаги ўрни ва ролини кўрсатишда муҳим аҳамиятга эга бўлиб, ҳар биримиз учун ифтихор тимсоли эканлиги таъкидланди.
Юртимизнинг обрў-нуфузи, тинчлик ва осойишталигимиз, ёруғ келажагимиз, сарбаланд қаддимиз ва қадримиз тимсоли бўлган байроғимизни эъзозлаш, бошимиз узра баланд кўтариш бизнинг фуқаролик бурчимиз эканлиги қайд этилди.
Ўзбекистон Республикаси Давлат байроғи қабул қилинган кун муносабати билан ташкилланган байрам тадбири маънавият ва маърифат маркази, маданият бўлими, касб-ҳунар мактаблари, мактабгача ва мактаб таълими бўлими томонидан тайёрланган бадиий дастур билан давом этди.
Давлатимиз байроғи қабул қилинганлигининг ўттиз уч йиллиги муносабати билан бу каби маданий-маърифий тадбирлар тумандаги таълим муассасалари ва ташкилотларда ўтказилмоқда.