Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Бокс бўйича Учкўприк тумани очиқ биринчилигида 200 нафарга яқин ёш спортчилар иштирок этмоқда
2024-12-12 13:54:24 33
Учкўприк тумани спорт мактабида 8 декабрь – Ўзбекистон Республикаси конституцияси қабул қилинган кун муносабати билан бокс бўйича очиқ биринчилик мусобақалари бўлиб ўтмоқда.
Мусобақанинг очилиш маросимида иштирок этган туман ҳокими ўринбосари Шуҳратжон Позилов Учкўприкда жисмоний тарбия ва спортни ривожлантириш, болалар ва ёшларни спорт билан мунтазам шуғулланишлари учун кенг имкониятлар яратиб беришга алоҳида эътибор қаратилаётганини таъкидлади.
Ўтказилаётган мазкур мусобақалар спорт билан мунтазам шуғулланувчи болалар ва ёшлар сафини кенгайтириш, уларни қўллаб-қувватлаш ва рағбатлантиришда муҳим аҳамият касб этади.
Туман ҳокимлиги томонидан спорт мактаби билан ҳамкорликда ўтказилаётган мусобақаларда Тошкент шаҳри ва вилоятидан, Фарғона водийси туман ва шаҳарларидан 200 нафарга яқин ёш чарм қўлқоп усталари иштирок этмоқда.
Мусобақалар давомида 2009-2016 йиллар оралиғида туғилган ёш спортчилар рингга кўтарилиб, 19 та вазн тоифасида ғолиблик учун кураш олиб боришмоқда.
