1. Бош сахифа
2. Янгиликлар

Эҳтиёжманд оилалар – доимий эътиборда

Учкўприк тумани ҳокимлиги томонидан эҳтиёжманд оилаларни ҳар томонлама қўллаб-қувватлаш борасида тизимли ишлар олиб борилмоқда. 
Бугун Фарғона вилояти прокуратураси билан ҳамкорликда туманда қиш мавсумида эҳтиёжманд оилаларга зарур ёрдамлар кўрсатиш ва уларни қўллаб-қувватлаш бўйича амалга оширилган ишлар хонадонбай ўрганилди. 
Ўрганиш давомида тумандаги масъул раҳбарларга бириктирилган 435 та эҳтиёжманд оилаларнинг турмуш шароити, хонадонларининг иситиш тизимлари яна бир бор кўздан кечирилиб, зарур чора-тадбирлар кўрилди. 
Жумладан, 112 та оилага суюлтирилган газ баллонлари, 36 та оилага иситиш мосламалари етказиб берилди, юздан ортиқ хонадонга 20 тоннадан зиёд кўмир ҳамда зарур озиқ-овқат маҳсулотлари тарқатилди. 
Туман камбағалликни қисқартириш ва бандлик бўлими ҳамда мазкур оилаларга бириктирилган банклар томонидан 12 нафар эҳтиёжманд хотин-қизларга уларни доимий даромад манбаи билан таъминлаш мақсадида тикув машиналари берилди.