Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Учкўприкда ўтказилган семинарда 53 нафар аёллар касбга йўналтирилди
2023-11-27 10:09:32 3218
Ўзбекистон касаба уюшмалари Федерациясининг Фарғона вилояти кенгаши ҳамда Учкўприк тумани ҳокимлиги ҳамкорлигида туманни хотин-қизлар ўртасида ишсизликдан холи ҳудудга айлантириш дастури ижроси доирасида ишсиз хотин-қизлар, фаол тадбиркорлар ва иш берувчиларнинг мулоқот учрашуви ташкил этилди.
Қўқон эркин иқтисодий зонасида бўлиб ўтган мулоқотда туман ҳокимлиги вакиллари, тадбиркорлик субъектлари раҳбарлари томонидан мавжуд бўш иш ўринлари ҳақида маълумотлар берилди.
Мотиватор-психолог Раънохон Бўтабоева иштирокида ўтказилган психологик семинар-тренингда хотин-қизлар билан оилавий тадбиркорлик фаолиятини бошлаш ва шахсий муваффақиятга эришиш борасида фикр алмашилди.
Шунингдек, ишга жойлашиш истагида бўлган хотин-қизлар "Бобошбек" ишлаб чиқариш ва савдо комплексида бўлиб, тадбиркорлар томонидан ишчиларга яратилган шароитлар билан бевосита танишдилар.
Тадбиркорлик субъектлари вакиллари билан учрашув давомида 53 нафар ишсиз хотин-қизлар муносиб иш ўринларини танлаган бўлса, 6 нафари шу ернинг ўзидаёқ тикувчилик цехларига ишга жойлаштирилди.
