1. Bosh sahifa
2. Yangiliklar

Сомсапаз қишлоғида янги трансформатор ўрнатилди

“Ҳасанқора” маҳалла фуқаролар йиғинида янги трансформатор ўрнатилиб, 700 метр тармоқ тортилди.

Учкўприк туманида аҳоли хонадонлари ва ишлаб чиқариш корхоналарида электр таъминотини яхшилаш, тизимдаги мавжуд муаммоларни бартараф этиш борасида самарали ишлар амалга оширилмоқда.

Аҳоли ташаббуси билан ҳомийлар ва туман ҳокимлиги кўмагида “Ҳасанқора” маҳалла фуқаролар йиғини Сомсапаз қишлоғида қуввати 160 кВА бўлган бир дона янги трансформатор пункти ўрнатилди.

Шунингдек, 19 дона янги темир-бетон таянчлари ўрнатилиб, 700 метр ҳаво тармоғи тортилди. Мазкур ишлар натижасида ҳудуддаги 100 дан зиёд аҳоли хонадонларида электр таъминоти яхшиланди.