1. Bosh sahifa
2. Yangiliklar

Аҳоли мурожаатлари асосида қишлоққа янги трансформатор ўрнатилди

Учкўприк туманида аҳолини узлуксиз электр энергияси билан таъминлаш, тизимдаги мавжуд муаммоларни бартараф этишга алоҳида эътибор қаратилмоқда.

Туман электр таъминоти корхонаси ходимлари томонидан ҳудудларда паст кучланишли электр тармоқларини янгилаш ва модернизация қилиш ишлари жадаллик билан олиб борилмоқда.

Учкўприк тумани ҳокимлиги ва Ўзбекистон Президентининг Учкўприк туманидаги халқ қабулхонаси томонидан “Чорбоғ” маҳалла фуқаролар йиғинини "маҳаллабай" ўрганиш жараёнида аҳоли мурожаатлари асосида электр таъминотини яхшилаш масаласи кўтарилган эди.

Ушбу мурожаат қисқа фурсатда ижобий ҳал этилиб, мазкур маҳаллада амалий ишлар бошлаб юборилди. Жумладан, маҳалла ҳудудига қуввати 160 кВа бўлган янги трансфоматор пункти ўрнатилди. Бундан ташқари, 12 дона янги темир бетон таянчлари ўрнатилиши ва 300 метр ҳаво тармоғи тортилиши режалаштирилган.