Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Эҳтиёжманд фуқаролар учун ифторлик маросимлари ўтказилмоқда
2023-04-05 16:07:25 129
Муборак Рамазон ойининг маънавий ҳаётимизда эзгулик, шукроналик, меҳр-оқибат каби олижаноб қадриятларни қарор топтиришдаги ўрни ва аҳамияти беқиёс. Ушбу ойда эътиборга муҳтож инсонлар ҳолидан хабар олиш халқимизга хос маънавий қадрият ҳисобланади.
Шу боис ҳам, Президентимиз ташаббуси билан муборак Рамазон ойи кунларида юртимиз маҳаллаларида кам таъминланган, эҳтиёжманд фуқаролар, нуронийлар учун ифторлик дастурхонлари ёзилмоқда. Бу каби хайр-саховат тадбирлари Учкўприк тумани маҳаллаларида ҳам ташкил этилмоқда.
“Ғози ғиждон” ва “Тожик” маҳалла фуқаролар йиғинларида “Маҳалла” хайрия жамоат фонди томонидан ташкил этилган ифторлик дастурхонига нуроний отахон ва онахонлар, ижтимоий ҳимояга муҳтож фуқаролар, "Аёллар дафтари" ва "Темир дафтар"га киритилган оилалар вакиллари таклиф этилди.
Ифторлик дастурхонида ёши улуғ отахону онахонлар дуога қўл очиб, юртимизга тинчлик, элимизга омонлик, хонадонларга барака сўрашди, кўрсатилган ҳурмат-эҳтиром учун миннатдорлик билдиришди.
Саховатли бўлиш, эҳтиёжмандларга меҳр-эътибор кўрсатиш, хайрли ва эзгу ишларга камарбаста бўлишдек халқимизга хос ифторлик тадбирлари туманимизнинг барча маҳаллаларида ўтказилмоқда.
