1. Bosh sahifa
2. Yangiliklar

Маҳаллаларда “Беш ташаббус олимпиадаси” доирасида шашка мусобақалари ўтказилмоқда

Учкўприк туманида “Беш ташаббус олимпиадаси”нинг жорий йилдаги биринчи мавсуми доирасидаги тадбирлар давом этмоқда. Айни кунларда маҳаллаларда 7-10 ёш, 11-15 ёш, 16-21 ёш, 22-26 ва 27-30 ёшли ўсмир ва қизлар ўртасида спортнинг шашка тури буйича мусобақалар ўтказилмоқда.

Маълумот учун, давлатимиз раҳбарининг “Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида”ги қарори ижросини таъминлаш мақсадида жорий этилган “Беш ташаббус олимпиадаси”нинг биринчи мавсуми доирасида жорий йилнинг апрель, май, июнь ойларида ёшлар 14 дан ортиқ танлов ва мусобақаларда иштирок этишади.

Жумладан, “Ёшлар рақс фестивали” танлови, ёшлар орасида соғлом турмуш тарзи ва спортни оммалаштиришга қаратилган гимнастрада, қувноқ стартлар, енгил атлетика, мини-футбол, стол тенниси, шахмат, шашка, футбол, стритбол, workout бўйича спорт мусобақалари ўтказилади.

Шунингдек, "Ёшлар кубоги" киберспорт мусобақалари ҳамда илк маротаба ёшларни касб-ҳунарга йўналтиришга қаратилган тикувчилик, сартарошлик, ошпазлик, қандолатчилик, ҳунармандчилик танловлари ҳам ташкил этилади.