Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Янгиланаётган Конституциямизнинг мазмун-моҳияти кенг тарғиб қилинди
2023-04-11 17:00:48 151
Болалар мусиқа ва санъат мактабида “Ўзбекистон Республикаси Конституцияси тўғрисида”ги конституциявий қонун лойиҳасига бағишланган тарғибот тадбири ташкил этилди.
“Конституция меники, сеники, бизники! Конституция ўзимизники!” шиори остида ўтказилган тадбирда маҳаллалардаги хотин-қизлар фаоллари, нуроний онахонлар иштирок этди.
Тадбирда туман адлия бўлими мутахассислари томонидан мамлакатимиздаги муҳим сиёсий жараён – референдумнинг аҳамияти, янги таҳрирдаги Конституциямизнинг мазмун-моҳияти ҳақида маълумот берилди.
Қайд этилганидек, янги таҳрирдаги Бош қомусимизнинг қатор моддаларида гендер тенглик, оила мустаҳкамлиги, хотин-қизлар ҳуқуқларига оид нормалар акс этмоқда.
Шунингдек, жорий йил 30 апрелда бўлиб ўтадиган референдумда сайлов ёшига етган ҳар бир фуқаро ўзининг фаол фуқаролик позициясини намоён этиши лозимлиги таъкидланди.
Учкўприк туманида “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳасининг мазмуни ва моҳиятини тушунтириш ва тарғиб қилишга бағишланган тадбирлар давом этмоқда.
