1. Bosh sahifa
2. Yangiliklar

Эҳтиёжманд оилаларга саховат ёрдамлари кўрсатилмоқда

Рамазон ойи – эзгу фазилатлар ва меҳр-мурувват ойи. Бу ойда кишилар бир-бирини йўқлайди. Эҳтиёжманд оилалар ҳолидан хабар олиниб, совға-саломлар берилади, ҳомийлик ёрдамлари кўрсатилади.

Айни кунларда туманимизда ҳам ёлғиз кексалар, боқувчисини йўқотган, кам таъминланган оилалар, ногиронлар, беморлар холидан ҳар қачонгидан кўп хабар олинмоқда, уларга моддий кўмак берилмоқда.

Туман ҳокимлиги ва ҳомийлар кўмагида кам таъминланган, ногиронлиги бўлган, боқувчисини йўқотган, ижтимоий ҳимояга муҳтож, “Темир дафтар” ва “Аёллар дафтари”га киритилган 100 дан ортиқ хонадонларга бирламчи озиқ-овқат маҳсулотлари тарқатилди.

Рамазон ойида бу каби эзгу амал ва хайрли йўқловлар давом этмоқда.