Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
10 нафар эҳтиёжманд хотин-қизнинг бандлиги таъминланди
2023-05-02 17:23:54 109
Учкўприк туманида оғир ижтимоий аҳволга тушиб қолган, кам таъминланган, фарзандларини тўлиқсиз оилада тарбиялаётган хотин-қизларни аниқлаш, уларнинг муаммоларини ўрганиш ва ҳал этиш борасида самарали ишлар амалга оширилмоқда.
Хонадонбай ўрганишлар давомида ижтимоий рўйхатларга киритилган хотин-қизлардан бир гуруҳига “Тошкентлигузар” маҳалла фуқаролар йиғинида жойлашган Ҳунармандчилик марказида тикувчилик сир-асрорлари ўргатилди.
Бугун ана шундай хотин-қизларнинг 10 нафарига тикувчилик курсларини тамомлагани тўғрисидаги сертификатлар топширилди.
Шу муносабат билан ўтказилган тадбир аввалида туман ҳокимининг ўринбосари Мадинахон Маматова хотин-қизлар бандлигини таъминлаш, улар учун доимий даромад манбаи яратиш, касб-ҳунарга ўргатиш орқали аниқ ва манзилли қўллаб-қувватлашга алоҳида эътибор қаратилаётганини таъкидлади.
Эътиборлиси, курсни тамомлаган хотин-қизларнинг барчаси Ҳунармандчилик марказидаги тикувчилик цехига ишга қабул қилиниб, уларнинг доимий бандлиги таъминланди.
Туманда “Аёллар дафтари” ҳамда "Ёшлар дафтари”га киритилган хотин-қизларга манзилли ёрдам кўрсатиш, уларни моддий ва маънавий қўллаб-қувватлашга қаратилган ишлар давом этмоқда.
