Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
«Жаҳолатга қарши маърифат» шиори остида давра суҳбати ўтказилди
2023-05-12 12:13:52 114
Учкўприк туманидаги 11-умумтаълим мактабида «Жаҳолатга қарши маърифат» шиори остида давра суҳбати ўтказилди.
Тадбирда таъкидланганидек, ёшлар ўртасида ижтимоий-маънавий муҳит барқарорлигини таъминлаш, келажагимиз ворисларини миллатлараро тотувлик ва диний бағрикенглик ҳамда она Ватанга муҳаббат руҳида тарбиялаш мақсадида «Жаҳолатга қарши маърифат» шиори остида маънавий-маърифий тадбирлар ўтказилмоқда.
Ушбу ташаббус доирасида 11-умумтаълим мактабида ўтказилган давр суҳбатида юртимиздаги тинч-осойишта ҳаёт қадри, билим чўққиларини эгаллаш, халқимизга хос миллий қадриятларга ҳурмат, Ватанни севиш ҳамда жаҳолатга қарши фақат маърифат билан курашиш ҳақида маърузалар тингланди.
Шунингдек, Ислом дини тинчлик дини, тинчлик-осойишталик эса улуғ неъмат эканлиги таъкидланиб, гиёҳвандлик ва бошқа салбий иллатларнинг оқибатлари хусусида ҳаётий мисоллар асосида тўхталиб ўтилди. Давра суҳбати якунида мавзуга оид видеофильм намойиш этилди.