Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“Ташаббусли бюджет” асосида 63-қишлоқ оилавий поликлиникаси мукаммал таъмирланади
2023-05-19 15:58:46 126
Учкўприк туманида “Ташаббусли бюджет” лойиҳаси асосида ҳудудларда яшовчи аҳолининг йиллар давомида йиғилиб қолган энг долзарб масалалари ҳал этилмоқда.
Мазкур лойиҳада ўз ташаббуслари билан фаол қатнашган маҳаллалардаги йўл, ичимлик суви, электр таъминоти билан боғлиқ муаммолар босқичма-босқич ўз ечимини топмоқда.
“Қурбонқашқар” маҳалла фуқаролар йиғини аҳолиси ҳам мазкур лойиҳада фаол иштирок этиб, ўз ташаббусларининг ғолиблар қаторидан ўрин олишига эришди.
Мазкур маҳалла фуқаролар йиғини ҳудудидаги 63-қишлоқ оилавий поликлиникасида ҳудуддаги қарийб 11 минг 500 нафар аҳолига тиббий хизмат кўрсатилади.
Таъмирталаб ҳолатга келиб қолган поликлиника биносини мукаммал таъмирлаш бўйича илгари сурилган ташаббус 3 минг 588 та овоз тўплади.
Президентимиз қарори асосида мазкур ташаббусни амалга ошириш ва поликлиника биносини мукаммал таъмирлаш учун 1 миллиард 100 миллион сўм маблағ ажратилди.
