Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Расмий муносабат
2023-06-05 19:38:41 131
Ижтимоий тармоқларда “Менинг йўлим” лойиҳаси доирасида Учкўприк туманидан илгари сурилган ташаббуслар бошқа ҳудудларга нисбатан кўп овоз тўплагани, бироқ ғолиб бўла олмагани ҳақида маълумотлар тарқатилмоқда.
Учкўприк тумани ҳокимлиги ушбу ҳолат юзасидан қуйидагиларни маълум қилади.
Ўзбекистон Республикаси Вазирлар Маҳкамасининг 2022 йил 2 февралдаги “Автомобиль йўллари соҳасида очиқлик стандартларини жорий этиш ва соҳада жамоатчилик назоратини кучайтириш чора-тадбирлари тўғрисида”ги 49-сонли қарорига асосан “Туман (шаҳар)лар маҳаллий бюджетлари параметрларида ҳудудий ички хўжалик йўлларини таъмирлаш учун ажратилган маблағларни жамоатчилик фикри асосида аниқланган ички хўжалик йўлларини таъмирлашга йўналтириш тартиби тўғрисида”ги Низом тасдиқланган.
Туман (шаҳар) бюджетларида ҳудудий ички йўлларни таъмирлаш учун режалаштирилган маблағларнинг камида 50% қисмини фуқаролар фикри асосида йўналтирилишини таъминлаш мақсадида ташкил этилган “Менинг йўлим” лойиҳасида овоз бериш ва ғолибларни аниқлаш жараёни “Очиқ бюджет” ахборот портали орқали инсон омилисиз амалга оширилади.
Учкўприк туманида “Менинг йўлим” лойиҳасининг жорий йилги мавсуми учун 1 миллиард 500 миллион сўм маблағ йўналтирилган. Туманнинг “Истиқбол” маҳалла фуқаролар йиғини Урганжи қишлоғи аҳолиси мазкур лойиҳада ўз ташаббуси билан қатнашиб, 44 минг 470 та овоз тўплаган ва ғолиб деб топилган.
“Туман (шаҳар)лар маҳаллий бюджетлари параметрларида ҳудудий ички хўжалик йўлларини таъмирлаш учун ажратилган маблағларни жамоатчилик фикри асосида аниқланган ички хўжалик йўлларини таъмирлашга йўналтириш тартиби тўғрисида”ги Низомга асосан ҳар бир туман ва шаҳарда билдирилган таклифлар берилган овозлар сонидан келиб чиқиб, юқоридан пастга қараб сараланиши кўрсатилган. Шунга кўра, “Менинг йўлим” лойиҳасининг жорий йилги мавсуми учун Учкўприк туманидан илгари сурилган таклифларни саралаш ва ғолибни аниқлашда ушбу низом талаблари бузилмаган.
“Менинг йўлим” лойиҳасининг жорий йилги мавсумида иштирок этиб, кўп овоз тўплаган, бироқ ғолиб деб топилмаган таклифлар – “Ниҳол” маҳалла фуқаролар йиғини Фидокор кўчасини (36 минг 25 та овоз тўплаган) ҳамда Тикланиш кўчасини (43 минг 974 та овоз тўплаган) асфальтлаш бўйича билдирилган ташаббусларни молиялаштириш учун туман маҳаллий бюджети маблағлари ҳисобидан қўшимча 1 миллиард 246 миллион сўм ажратилган.
