Shrift o'lchami Rang Rasm

<< Iyun 2024 >>
DUSECHPAJUSHYA
     12
3456789
10111213141516
17181920212223
24252627282930

Yangiliklarga obuna bo'lish


Hozir saytda 3 nafar foydalanuvchi Ishonch telefoni statistikasi

Учкўприк туманида “Ёшлар дафтари”га киритилган 13 нафар йигит-қизнинг бандлиги таъминланди

 2023-08-28 15:23:50    1691

PDF yuklash
Chop etish


Мамлакатимизда ёшларга оид давлат сиёсатини амалга ошириш, ёшларнинг мавжуд муаммо ва камчиликларини ҳал этиш, бандлигини таъминлашга алоҳида эътибор қаратилмоқда. Барча ҳудудларда “Ёшлар дафтари”нинг юритилиши ҳар бир ўғил-қиз тақдири давлатимиз эътиборида эканлигидан далолат беради.
Учкўприк туманида ҳам ёшларнинг ижтимоий-иқтисодий муаммолари, таклиф ва истакларини ўрганиш ҳамда уларни ҳал этиш борасида бир қатор чора-тадбирлар амалга оширилмоқда. 
Ёшлар ишлари агентлиги томонидан ташкилланган навбатдаги тадбир давомида ҳам “Ёшлар дафтари”га киритилган 13 нафар учкўприклик йигит-қизнинг бандлиги таъминланди.
Тадбирда туман ҳокими Аброржон Асқаров, сектор раҳбарлари, Ёшлар ишлари агентлиги туман бўлими ходимлари, маҳаллалардаги ёшлар етакчилари иштирок этди.
Тадбир аввалида туман ҳокими ёшлар, хусусан, хотин-қизлар бандлигини таъминлаш, улар учун доимий даромад манбаи яратиш, касб-ҳунарга ўргатиш орқали аниқ ва манзилли қўллаб-қувватлашга алоҳида эътибор қаратилаётганини таъкидлади.
“Ёшлар дафтари”га киритилган 13 нафар хотин-қизга замонавий тикув машиналари ва меҳнат анжомлари топширилиб, улар учун доимий даромад манбаи яратиб берилгани ҳам бу каби ташаббусларнинг амалдаги намунаси бўлди.
Шу куни 12 нафар хотин-қиз замонавий тикув машиналарига, бир нафар ёш эса қурилиш-таъмирлаш жиҳозига эга бўлди. Эътиборли жиҳати, бу ускуналар эҳтиёжманд йигит-қизларнинг турмуш шароитини яхшилаш, уларнинг доимий даромад манбаига эга бўлишларига кўмаклашиш, бандлигини таъминлаш мақсадида субсидия асосида бепул тақдим этилди. Шунингдек, саломатлиги билан боғлиқ муаммолари бор 3 нафар ёшга даволаниш ҳаражатлари тўлаб берилди.
Ушбу имкониятлар ёшлар бандлигини таъминлаш билан бирга, йигит-қизларнинг ҳаётда муносиб ўрин топишида муҳим аҳамият касб этади.