1. Bosh sahifa
2. Yangiliklar

“Янги Ўзбекистон ёшлари, бирлашайлик!” шиори остида маънавий-маърифий тадбир ўтказилди

Учкўприк тумани ички ишлар бўлими ташаббуси билан “Янги Ўзбекистон ёшлари, бирлашайлик!” шиори остида маънавий-маърифий тадбир ўтказилди.
Учкўприк тумани ҳокимлиги, Ёшлар ишлари агентлиги, Маънавият ва маърифат маркази билан ҳамкорликда ташкил этилган тадбирга уюшмаган ёшлар, умумтаълим мактаблари ўқувчилари ҳамда спортчилар таклиф этилди.
Ёшларда ватанпарварлик руҳини кучайтириш, улар маънавиятини юксалтириш, жиноятчилик ва ҳуқуқбузарликларнинг олдини олиш  мақсадида ташкилланган тадбир доирасида ёшлар учун бепул тиббий кўрик ўтказилди, ҳарбийларнинг кўргазмали чиқишлари ҳамда замонавий қурол-аслаҳалар намойиш этилди.
Тадбир давомида туман ички ишлар бўлими бошлиғи Акмалжон Сотволдиев ёш авлодни ватанпарварлик руҳида тарбиялаш, улар ўртасида жиноятчилик ва ҳуқуқбузарликларни олдини олиш борасида амалга оширилаётган ишлар ҳақида маълумот берди, шунингдек, ёшлар тарбияси, ёш авлод маънавиятини юксалтириш йўналишидаги ишлар самарадорлигини ошириш юзасидан фикр-мулоҳазалар билдирилди. 
Бундан ташқари, турли соҳаларда салмоқли ютуқларга эришган ёшлар ўз муваффақият сирларини тенгдошлари билан бўлишди. Туман маданият уйи санъаткорлари ва эстрада хонандалари томонидан ижро этилган қўшиқлар, ватанпарлик мавзусидаги саҳна кўринишлари, ҳарбий қисм зобитларининг кўргазмали чиқишлари, ҳарбий аслаҳалар намойиши иштирокчиларга байрамона кайфият улашди.