1. Bosh sahifa
2. Yangiliklar

“Яккамулла” маҳалла фуқаролар йиғинида 203 дона янги темир-бетон таянчлари ўрнатилди

Учкўприк туманида аҳолини сифатли электр энергияси билан таъминлаш, тизимдаги мавжуд муаммоларни бартараф этишга алоҳида эътибор қаратилмоқда.
Туман электр таъминоти корхонаси ходимлари томонидан паст кучланишли электр тармоқларини ҳамда трансформатор пунктларини мукаммал ва жорий таъмирлаш ишлари жадаллик билан олиб борилмоқда. Аҳоли хонадонлари ҳамда ижтимоий соҳа объектларида электр энергияси таъминотини яхшилаш учун ҳудудларга янги таянч устунлари келтирилиб, қўшимча ҳаво тармоқлари тортилмоқда.
“Обод хонадон – обод кўча – обод маҳалла” дастури асосида кенг кўламли бунёдкорлик ва ободонлаштириш ишлари олиб борилаётган “Яккамулла” маҳалла фуқаролар йиғинида ҳам қуввати 160 кВа бўлган иккита трансформатор пункти ва ундан чиқувчи 0.4 кВ электр узатиш тармоқлари мукаммал таъмирланди. 
Шунингдек, маҳалла фуқаролар йиғини ҳудудида шу кунга қадар 203 дона янги темир-бетон таянчлари ўрнатилди.
Туман электр таъминоти корхонаси масъулларининг маълум қилишича, лойиҳа доирасида мазкур ҳудудда 207 дона янги темир-бетон таянчлари ва 3 дона янги трансформатор ўрнатилиб, 6 минг 270 метр ҳаво тармоғи тортилади.