Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Еттинчи чақириқ Халқ депутатлари Учкўприк тумани Кенгашининг биринчи сессияси бўлиб ўтди
2024-11-07 15:28:43 1208
Бугун еттинчи чақириқ Халқ депутатлари Учкўприк тумани Кенгашининг биринчи сессияси бўлиб ўтди. Унда вилоят ҳокими ўринбосари Шерзоджон Полвонов иштирок этди.
Сессияда туман сайлов комиссияси раиси Юсуфжон Арслоновнинг жорий йил 27 октябрда бўлиб ўтган сайлов якунлари тўғрисидаги ахбороти тингланди.
Сессияда депутатлар партия гуруҳлари рўйхатга олиниб, туман кенгашининг Регламенти ва доимий комиссиялар тўғрисидаги Низом тасдиқланди.
Биринчи сессия ишида вилоят ҳокимининг Учкўприк тумани ҳокимини тайинлаш тўғрисидаги қарорини тасдиқлаш масаласи кўриб чиқилди.
Вилоят ҳокими ўринбосари Шерзоджон Полвонов Учкўприк тумани ҳокимини тайинлаш тўғрисидаги вилоят ҳокимининг қарорини ўқиб эшиттирди.
Учкўприк тумани ҳокими лавозимига номзод Эркабоев Қодиржон Носиржонович томонидан ҳудудни ижтимоий-иқтисодий ривожлантиришнинг истиқболга мўлжалланган дастури тақдимот қилинди.
Номзод бўйича депутатлар ўз фикр-мулоҳазаларини билдиришди.
Депутатлар томонидан Учкўприк тумани ҳокими лавозимига Эркабоев Қодиржон Носиржонович номзоди тасдиқланди.
