Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ватан олдидаги бурчини бажариш чоғида вафот этган ҳарбий хизматчиларнинг оилалари йўқланди
2025-01-14 09:22:21 70
Мустақиллик йилларида сарҳадларимиз дахлсизлиги ва Ватанимиз тинчлиги йўлида мардларча ҳалок бўлган осойишталик посбонларининг оилалари давлатимизнинг доимий эътиборда.
Бугунги обод ва осуда ҳаётимиз учун мардонавор курашган мард, жасур юртдошларимизни ҳар қанча эъзозласак арзийди. Шу боис ҳам байрам кунлари уларнинг хонадонида бўлиб, совға-саломлар топшириш ўзига хос анъанага айланган.
Учкўприк туманида ҳам Ватан ҳимоячилари куни муносабати билан Қуролли Кучларимизда хизмат бурчини ўташ чоғида ҳалок бўлган ҳарбий хизматчиларнинг оила аъзолари холидан хабар олинмоқда.
Туман ҳокимлиги, мудофаа ишлари бўлими ва жамоатчилик вакиллари Ватан сарҳадларини ҳимоя қилишда қаҳрамонларча ҳалок бўлган Юнусжон Охунов хонадонида бўлиб, унинг оила аъзоларини 14 январь – Ватан ҳимоячилари куни билан табриклашди, пул маблағлари ва эсдалик совғаларини топширишди. Мард ўғлонни камолга етказган онасига миннатдорлик билдирилди.
