Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ҲАР БИР МУРОЖААТ АЛОҲИДА НАЗОРАТГА ОЛИНДИ
2021-03-23 09:56:20 668
Учкўприк тумани ҳокими Акмалжон Маҳмудалиев аҳоли билан тўғридан-тўғри мулоқот қилиш, уларни қийнаб келаётган муаммоларни аниқлаш ва ҳал этиш мақсадида Ўзбекистон Президентининг тумандаги Халқ қабулхонасида фуқаролар қабулини ўтказмоқда.
Туман ҳокимининг навбатдаги қабулида Халқ қабулхонаси мудири, туман ҳокимининг ўринбосарлари, масъул ташкилот ва муассасалар раҳбарлари ҳам иштирок этди.
Очиқ мулоқот тарзида ташкил этилган қабулда фуқаролар томонидан турли масалаларда билдирилган мурожаатлар тингланиб, уларга ижобий ечим топиш бўйича зарур чоралар белгиланди.
Туман ҳокими билан мулоқотда фуқаролар томонидан уй-жой олиш, ишга жойлашиш, тадбиркорликни ривожлантириш, кадастр, банк кредитлари, моддий ёрдам, маҳалла инфратузилмасини яхшилаш, йўлларни таъмирлаш ва асфальтлаш, деҳқончилик ва тадбиркорлик учун ер ажратиш каби масалаларга оид таклиф ва мурожаатлар билдирилди.
Шу куни қабул давомида 27 нафар жисмоний ва юридик шахс иштирок этиб, улар томонидан билдирилган 30 та турли йўналишдаги масалалар ҳар томонлама кўриб чиқилди.
Мурожаатларнинг 11 тасига шу куннинг ўзида ижобий ечим топилган бўлса, 7 таси бўйича ҳуқуқий тушунтириш берилди. Ижроси маълум муддат талаб этадиган 12 та мурожаат эса жойига чиқиб ўрганиш ва чора кўриш учун тегишли масъулларга бириктирилди.