Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
МАҚСАД – ТАДБИРКОРЛАРГА КЎМАКЧИ БЎЛИШ
2021-03-23 09:59:03 790
“Turon Ferro Concrete Products” масъулияти чекланган жамияти Учкўприк туманидаги йирик тадбиркорлик субъектларидан бири ҳисобланади.
2019 йилда тўла қувват билан ишга туширилган мазкур лойиҳанинг қиймати 1,4 миллион долларни ташкил этади. Корхона Хитой ва Россия технологиялари билан жиҳозланган бўлиб, йиллик ишлаб чиқариш қуввати 300 минг куб метрни ташкил этади. Айни вақтда корхонада 80 нафардан зиёд ишчи-ходимлар меҳнат қилмоқда.
Корхона томонидан ишлаб чиқарилаётган темир-бетон маҳсулотлари ва электр таянчлари бугунги кунда вилоятимизнинг барча туманларидаги қурилиш объектларига етказиб берилмоқда.
Учкўприк тумани ҳокими Акмалжон Маҳмудалиев мазкур корхонага ташриф буюриб, унинг фаолияти билан яқиндан танишди.
Туман ҳокими тадбиркор билан учрашув давомида корхона фаолиятини янада ривожлантириш, маҳсулотлар турини кўпайтириш ва савдо географиясини кенгайтириш борасидаги истиқболли лойиҳаларни муҳокама қилди. Корхона равнақи йўлида ва мавжуд масалаларни ҳал этишда туман ҳокимлиги доимо кўмакчи бўлишини таъкидлади.
