Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ҲАР БИР ТАДБИРКОР – ЁШЛАРГА МАДАДКОР
2021-03-23 10:03:10 727
Учкўприк туманидаги «Ишга марҳамат» моно-марказида «Ёшлар дафтари»га киритилган фуқароларни тадбиркорлик кўникмалари ва касб-ҳунарга ўқитиш тизимини кенгайтириш мақсадида «Ҳар бир тадбиркор – ёшларга мададкор» тамойили асосида «Ёшлар: 1+1» дастури доирасида ишсиз ва уюшмаган ёшларни касб-ҳунар ва тадбиркорликка ўқитиш бўйича қисқа муддатли ўқув-курси ташкил этилди.
Бугун Учкўприк тумани ҳокими Акмалжон Маҳмудалиев тадбиркорлик ва касб-ҳунарга ўқитиш бўйича дастлабки ўқув-курсларини муваффақиятли тамомлаган 30 нафар битирувчиларга касбий малака сертификатларини топширди.
Туман ҳокими таъкидлаганидек, Президентимиз Шавкат Мирзиёев томонидан 2020 йил 25 декабрь куни ўтказилган Ўзбекистон ёшлари форумида ёшларда ижобий мотивация, тадбиркорлик соҳасида зарур билим ва малакани шакллантириш ҳамда шу орқали уларни тадбиркорликка кенг жалб этиш ва бандлигини таъминлаш бўйича «Ҳар бир тадбиркор – ёшларга мададкор» ташаббуси қўллаб-қувватланган эди.
Мазкур ташаббус доирасида ҳудудларда ишсиз ва уюшмаган ёшларни касб-ҳунар ва тадбиркорликка ўқитишни ташкил этиш асосида 1 нафар тадбиркорга 1 нафардан ишсиз ёшларни бириктириш орқали 2021 йилда қарийб 500 минг нафар ёшни иш билан таъминлаш вазифаси белгилаб берилди.
Ана шу мақсадда Учкўприк туманида ҳам ёшлар тадбиркорлигини қўллаб-қувватлаш ва уларни касб-ҳунарга ўқитишнинг янги тизими жорий этилди. Савдо-саноат палатаси, Ёшлар ишлари агентлиги, Маҳалла ва оилани қўллаб-қувватлаш туман бўлими ҳамкорлигида ёшларни тадбиркорликка кенг жалб этиш ва уларнинг бандлигини таъминлаш борасида ташкил этилган ўқув курслари иш бошлади.
Тасдиқланган режага асосан, ўқув курсларига «Ёшлар дафтари»га киритилган фуқаролар, кам таъминланган оилаларнинг фарзандлари, қолаверса, тадбиркорликка қизиққан ёшлар жалб этилди. Улар амалиёт ўқитувчилари ва ишлаб чиқариш корхоналарининг малакали мутахассислари кўмагида тадбиркорлик соҳасига оид билим ва кўникмаларини оширишди. Ёшларнинг ҳар бири тажриба ўрганиш мақсадида муваффақиятли фаолият юритаётган тадбиркорларга бириктирилди.
Эндиликда бу ёшлар тижорат банкларининг 30 миллион сўмгача бўлган имтиёзли кредитлари асосида ўз тадбиркорлик фаолиятларини йўлга қўйишади. Бу орқали улар нафақат ўзларининг, балки 100 нафардан зиёд тенгдошларининг ҳам бандлигини таъминлашади.
