Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Учкўприк туманида “Агромарказ” ва “Агролаб” иш бошлади
2022-09-15 14:34:16 226
Учкўприк туманида Агробанк томонидан ташкил этилган “Агромарказ” ва “Агролаб” иш бошлади. Шу муносабат билан ташкилланган тадбирда туман ҳокими Аброржон Асқаров, сектор раҳбарлари, банк вакиллари ҳамда қишлоқ хўжалиги соҳаси мутахассислари иштирок этди.
Марказда томорқа ер эгалари, деҳқон ва фермер хўжаликлари, класстерларга уруғлар етказиб бериш, ихчам иссиқхоналар қуриш, сув тежовчи технологияларни қўллаш, агроном ва ветеринар маслаҳатлари, тайёр маҳсулотларни етиштириш ва сотишга кўмаклашиш ҳамда техника хизматлари кўрсатилади.
Таъкидланишича, марказ қошида ташкил этилган лабораторияда соҳа мутахассислари томонидан махсус ускуналар ёрдамида ўсимликлардаги зараркунанда ва касалликлар диагностика қилиниб, бу юзасидан муҳим тавсиялар берилади.
Шунингдек, фермер хўжаликларининг талабига кўра ўсимликлар ҳимоясини таъминлаш билан бирга, минерал ўғитлар, мини техникалар, ҳайвонлар учун озуқа етказиб берилади.
Маркетинг, сотиб олиш ва қайта ишлаш бўлимида ўсимликларни ҳимоя қилиш воситалари савдо дўкони, ветеринария дорихонаси, банк ва суғурта хизматлари ҳам йўлга қўйилмоқда.