Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“Келажак касблари” лойиҳаси доирасида 79 нафар ёш замонавий касбларга бепул ўқитилади
2022-10-15 10:32:14 193
Учкўприк туманида Ёшлар ишлари агентлигининг “Келажак касблари” лойиҳаси доирасида 79 нафар ёш замонавий касбларга бепул ўқитилади.
Шу муносабат билан ўтказилган тадбирда ёшларга замонавий касбларни бепул ўрганиш ҳуқуқини берувчи сертификатлар туман ҳокими ўринбосари Шуҳратжон Позилов ва Ёшлар ишлари агентлиги туман бўлими раҳбари Ботиржон Шокиров томонидан топширилди.
Қайд этилишича, “Келажак касблари” лойиҳасида ўқиш истагини билидириб 3 кун давомида 92 нафар ёш ариза топширган. Ушбу мурожаатлар маҳаллалардаги ёшлар етакчилари томонидан ўрганилиб, 79 нафар ёшларга ўқиш учун тавсия берилган.
Тавсиянома олган ёшларнинг 33 нафари "Everest future" нодавлат таълим марказида инглиз тилини, 46 нафари эса "IT-PARK Farg'ona" ўқув марказида дастурлаш, web dizayn ҳамда grafik dizayn сирларини олти ой давомида бепул ўрганади. Ўқиш ҳаражатлари “Ёшлар дафтари” жамғармаси маблағлари ҳисобидан қопланади.
