Bugun, 1 may kuni mamlakatimizda mahalla raislari saylovi boshlandi. Qo‘shtepa tumanidan mazkur saylovda 51 ta mahalla fuqarolar yig‘inida rais saylanadi. “Namuna” mahalla fuqarolar yig‘inida ko‘tarinki ruhda va uyushqoqlik bilan tashkil etilgan saylovda mahallaga rais saylandi. Mahallada 1984 nafar saylov yoshidagi fuqarolar bor. Ular mahalla raisi saylovida qatnashish uchun 239 nafar vakillarini saylashgan. Jarayonlarda esa ana shu vakillar ishtirok etdilar. Mahalla fuqarolar yig‘ini raisligiga nomzodlar mahallani ijtimoiy-iqtisodiy rivojlantirish borasidagi saylov oldi dasturi bilan yig‘ilganlarni tanishtirdi. Yorqinjon Komilov ko‘pchilik ovoz bilan mahalla raisi etib saylandi. Hududlarda fuqarolar yig‘ini raisi saylovi davom etmoqda.