Aytish lozimki, tumanimiz hududida ayni kunda davlatimiz rahbari va Respublika hukumatining alohida e'tibori tufayli aholini qiynab kelayotgan ko'p muammolar bartaraf etilib, fuqarolarimizga munosib turmush sharoiti yaratib berilayotir. Amalga oshirilayotgan ishlardan mamnun bo'lgan xalqimiz bunday e'tibor uchun samimiy so'zlar bilan minnatdorchilik izhor etishmoqda. Xabaringiz bor, Prezidentimizning So'x tumanini ijtimoiy-iqtisodiy rivojlantirishga doir 4798-sonli qarori qabul qilingan bo'lib, mazkur qaror doirasida keng ko'lamli qurilish-ta'mirlash va obodonlashtirish ishlari tumanimizda olib borildi. Mazkur qaror asosida aholini ichimlik suvi ta'minotidagi muammolar hal etilmoqda, aholining elektr energiyasiga bo'lgan ehtiyoji bosqichma bosqich qondirilmoqda, ko'chalarni asfalьtlashtirish, hududlarda obodonlashtirish ishlarini olib borish yuzasidan amaliy ishlar qilinmoqda. Ayni kunda tumanimizning Saribozorcha, G'aznov, Rovon, Guliston mahallalarida elektr eneriyasi ta'minotini yaxshilashga doir amaliy ishlar qilinmoqda. Tuman elektr tarmoqlari korxonasi mutasaddilarining ma'lumotiga ko'ra, 4798-sonli qaror doirasida elektr ta'minotiga doir bajarilmagan ishlarning oxiriga yetkazish maqsadida birinchi bosqichda tumanimizga 173-ta temir-beton tayanchlari olib kelindi. Bundan Saribozorcha mahallasiga 35 dona, Rovon mahallasiga 38 dona, Guliston mahallasiga 30 dona va G'aznov mahallasiga 70 dona yetkazib berildi. Ayni kunda mazkur mahallalarda olib kelingan temir-beton tanyachlarni o'rnatish ishlari olib borilyapti. So'x tumani hokimligi Axborot xizmati