Qo‘shtepa tumani hokimi A.Abdullayev “Do‘stlik” mahallasida sayyor qabul o‘tkazdi. Qabulda ushbu mahalla fuqarolar yig‘iniga yaqin bo‘lgan “Do‘rmon”, “Qorakaltak” va “Xalqobod” mahalla fuqarolar yig‘ini fuqarolari ham o‘zlarining murojaatlari bilan ishtirok etdilar. Sayyor qabulda tuman prokurori A.Xudoyberganov va tumandagi mas’ul idorlalarning rahbarlari ham ishtirok etishdi. Tuman rahbari murojaatchilarning har birini batafsil tinglab, ko‘tarilgan masalalarni hal etish yuzasidan tegishli choralar belgiladi. Shuningdek, qabulda fuqarolarning, elektr tayanch ustunlari o‘rnatish, imtiyozli kredit olish, guruh nogironligiga chiqish, mavjud zovurlarni tozalash, davolanish, gaz ballon olish, ichimlik suvi ta’minotini yaxshilash va huquqiy mavzulardagi murojaatlari o‘rganilib, yechimi bo‘yicha mutasaddi idoralar rahbarlariga topshiriq hamda ko‘rsatmalar berildi.