Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“Янгийўл” маҳалласидаги эҳтиёжманд хотин-қизларга замонавий тикув машиналари топширилди
2023-03-07 17:46:30 218
Маҳаллабай ишлаш ва тадбиркорликни ривожлантириш маркази ҳамда оила ва хотин-қизлар бўлими томонидан ҳудудларда оғир ижтимоий аҳволга тушиб қолган, ногиронлиги бор, кам таъминланган, фарзандларини тўлиқсиз оилада тарбиялаётган хотин-қизларни аниқлаш, уларнинг муаммоларини ўрганиш ва ҳал этиш борасида самарали ишлар амалга оширилмоқда.
Ана шу эзгу ишларнинг давоми сифатида “Янгийўл” маҳалла фуқаролар йиғинида яшовчи “Аёллар дафтари”га киритилган хотин-қизларга Маҳаллабай ишлаш ва тадбиркорликни ривожлантириш агентлигининг Аҳолини тадбиркорликка жалб қилиш жамғармаси маблағлари ҳисобидан замонавий тикув машиналари топширилди.
Мазкур тикув машиналари эҳтиёжманд хотин-қизларнинг турмуш шароитини яхшилаш, уларнинг доимий даромад манбаига эга бўлишларига кўмаклашиш, бандлигини таъминлаш мақсадида субсидия асосида бепул тақдим этилди.
Мазкур маҳалладаги ҳоким ёрдамчиси томонидан “маҳаллабай” ўрганишлар давомида Сайёра Машрапова ва Анорхон Маматқулова “Аёллар дафтари”га киритилган.
Ўз хонадонида тикувчилик фаолиятини йўлга қўйиш учун тикув машинаси олишда кўмак сўраган хотин-қизларнинг мурожаати ечими узоққа чўзилмади. Туман ҳокимлиги ҳамда маҳаллабай ишлаш ва тадбиркорликни ривожлантириш маркази вакиллари томонидан уларнинг турмуш шароитини яхшилаш, даромадини ошириш мақсадида замонавий тикув машиналари етказиб берилди.