Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Учкўприкда 67 нафар бемор болалар тиббий кўрикдан ўтказилди
2023-03-10 22:09:33 250
Фарғона вилояти болалар кўп тармоқли тиббиёт маркази томонидан чуқурлаштирилган тиббий кўриклар жойларда мунтазам амалга оширилмоқда.
Жумладан, Учкўприк туманида болалар учун навбатдаги тиббий кўрик ташкил этилди. Туман кўп тармоқли марказий поликлиникасида ўтказилган кўрикка вилоят мутахассислари гуруҳи — невропатлог, отолориноголог, гастроэнтеролог, пульмонолог, уролог, нефролог, болалар жарроҳи, ортопед-травматолог, кардиолог каби шифокорлар жалб этилди.
Кўрик давомида мутахассислар томонидан 67 нафар бемор болалар тиббий кўрикдан ўтказилиб, керакли тавсиялар берилди. 2 нафар бола яшаш хонадонида невропатолог кўригидан ўтказилди. Тиббий кўрик натижасида 9 нафар беморга вилоят болалар кўп тармоқли тиббиёт марказида даволаниш учун йўлланма берилди.
