Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
KO‘CHMA DO‘KONLAR FAOLIYATI YO‘LGA QO‘YILDI
2020-03-29 13:47:03 1092
Bugungi sinovli vaziyat barcha yurtdoshlarimizni hamjihatlikka, hushyorlikka chorlamoqda. Davlat va nodavlat muassasalari, jamoatchilik vakillari, saxovatpesha insonlar ijtimoiy himoyaga muhtoj oilalarga yanada ko‘proq muruvvat ko‘rsatmoqda.
Mahalla fuqarolar yig‘inlari faollari tashabbusi bilan hududlarda keng miqyosda xayriya tadbirlari o‘tkazilmoqda.
Kam ta’minlangan, sharoiti og‘ir xonadonlar, yakka yolg‘iz keksalar, bemor yotgan va nogironligi bor fuqarolar xolidan xabar olinib, ularga birlamchi oziq-ovqat mahsulotlari va tibbiy niqoblar tarqatilmoqda.
Aholi orasida karantin tartib-qoidalari, xukumatimiz topshiriqlari va shifokorlar tavsiyalariga amal qilish lozimligi borasida tushuntirish ishlari olib borilmoqda.
Barcha mahalla fuqarolar yig‘inlarida ko‘chma do‘konlar faoliyati yo‘lga qo‘yilib, oziq-ovqat mahsulotlari aholi xonadonlariga etkazib berilmoqda.
Xonadonlar, ko‘chalar, savdo do‘konlari va tashkilotlarda dezinfeksiya ishlari amalga oshirilmoqda.