1. Bosh sahifa
2. Yangiliklar

“Ташаббусли бюджет”: Шўх қишлоғида 3 минг метрдан зиёд ички йўллар асфальтланди

Учкўприк туманида “Ташаббусли бюджет” лойиҳаси асосида ҳудудларда яшовчи аҳолининг йиллар давомида йиғилиб қолган энг долзарб масалалар ҳал этилмоқда.
Мазкур лойиҳада ўз ташаббуслари билан фаол қатнашган маҳаллалардаги йўл, ичимлик суви, электр таъминоти билан боғлиқ муаммолар босқичма-босқич ўз ечимини топмоқда.
Шўх қишлоғи аҳолиси ҳам мазкур лойиҳада фаол иштирок этиб, ўз ташаббусларининг ғолиблар қаторидан ўрин олишига эришди. 
Мазкур қишлоқ ҳудудидаги ички йўлларнинг таъмирга муҳтожлиги, ёзда чанг, қишда лой бўлиши маҳалла аҳолисини узоқ йиллардан бери қийнаб келарди. Бугун ушбу муаммога ташаббусли бюджет жараёни ечим бўлди.
Қишлоқ ҳудудидаги ички йўлларни асфальтлаш юзасидан билдирилган ташаббус 13 минг 658 та овоз тўплади. Ташаббусни амалга ошириш учун 1 миллиард 200 миллион сўм маблағ ажратилиб, Ўзбекистон, Ибрат, Ал-Фарғоний кўчаларининг 3 минг 66 метр қисмига асфальт ётқизилди.