1. Бош сахифа
2. Янгиликлар

ҲАРБИЙ ҚИСМДА КЎЧМА САВДО ЯРМАРКАСИ ТАШКИЛ ЭТИЛДИ

×

Учкўприк туман ҳокимлиги ва секторлар раҳбарлари томонидан маҳаллаларда арзонлаштирилган озиқ-овқат маҳсулотларининг кўчма савдо расталари йўлга қўйилмоқда. Бу эса карантин даврида аҳоли узоғини яқин қилиб, уларга бир қатор қулайликлар яратмоқда.

Туман ҳокимлиги томонида ана шундай ярмаркалардан бири 12 апрель куни туманга чегарадош ҳудудда жойлашган ҳарбий қисмда ташкил этилди.

Ярмаркада қишлоқ хўжалиги ва озиқ-овқат маҳсулотлари – гўшт, тухум, ўсимлик ёғи, ун, картошка, пиёз, сабзи, шакар, мевалар, дуккакли маҳсулотлар ва рўзғор буюмлари ҳамда шахсий гигиена воситалари сотуви йўлга қўйилди.

Ҳарбий хизматчилар ва уларнинг оила аъзолари озиқ-овқат ва қишлоқ хўжалиги маҳсулотларини арзон нархларда сотиб олиш имкониятига эга бўлдилар.

Худди шундай арзонлаштирилган нархдаги озиқ-овқат маҳсулотлари ярмаркалари Учкўприк туманидаги ҳар бир маҳаллада ташкил этилган.

Бу эса аҳолига арзон ва сифатли маҳсулотлар етказиш билан бирга нархларнинг асоссиз равишда оширилишининг олдини олмоқда.