1. Bosh sahifa
2. Yangiliklar

Учкўприк туманида 5 та маҳалла фуқаролар йиғинидаги 27 километр ички кўчаларга шағал ётқизилади

Учкўприк туманида маҳаллалар инфратузилмасини яхшилаш ишлари давом этмоқда. Туман ҳокимлигининг ташаббуси билан маҳаллалар ҳудудларида ободонлаштириш, ички йўллар ҳолатини яхшилаш, уларни жорий таъмирлаш ишлари жадаллик билан давом эттирилмоқда.

Маҳаллаларда йўл инфратузилмаси билан боғлиқ мавжуд муаммоларни бартараф этиш, ички кўчаларни таъмирлаш, ёғин-сочинли кунларда аҳолига қулайлик яратиш мақсадида ҳудудларда босқичма-босқич шағаллаштириш ишлари амалга оширилмоқда.

Айни вақтда тумандаги 5 та маҳалла фуқаролар йиғини ҳудудида қарийб 27 километр ички кўчаларни шағаллаштириш ишлари бошланди.

Ҳозирда “Истиқбол”, “Мерган”, “Собиржон”, “Ниҳол” ва “Ғиждон” маҳалла фуқаролар йиғинларидаги таъмирталаб ҳолатга келиб қолган кўчаларга шағал ётқизиш ишлари жадал давом этмоқда.