Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Учкўприк туманида касаначиликка ўқитилган хотин-қизларга сертификатлар топширилди
2022-11-02 11:09:37 197
Учкўприк туманида касаначиликка ўқитилган 50 нафар хотин-қизларга сертификатлар топширилди.
Жорий йилнинг 21 сентябрь куни “Хотин-қизлар бандлигини ошириш ва саломатлигини мустаҳкамлашга оид қўшимча чора-тадбирлар тўғрисида”ги Президент қарори қабул қилинди.
Қарорга кўра, касаначиликни ривожлантириш орқали хотин-қизлар бандлигини таъминлаш бўйича “Фарғона тажрибаси”ни оммалаштириш, “Фарғона тажрибаси” бўйича касаначилик фаолиятини муваффақиятли йўлга қўйган тадбиркорлар томонидан маҳорат дарслари ташкил этиш белгиланган.
Шу асосда Учкўприк тумани маҳаллаларидаги хотин-қизлар фаоллари томонидан касаначилик фаолияти билан шуғулланишга лаёқати ва қизиқиши бор хотин-қизлар танлаб олиниб, ўқув курсларига тавсия этилди.
Оила ва хотин-қизлар бўлими ҳамда хотин-қизларни тадбиркорликка ўқитиш маркази томонидан ташкил этилган ўқув курсларида 50 нафар касаначиликка қизиқиши бор аёллар ўқитилди.
Туман ҳокимлигида ўтказилган тадбирда ўқув курсларини муваффақиятли тамомлаган хотин-қизларга сертификатлар топширилди.
Тадбир давомида уларга ўз фаолиятларини самарали йўлга қўйиш ва ривожлантириш, шунингдек, Вазирлар Маҳкамасининг жорий йил 14 октябрдаги "Касаначиликни ташкил этган тадбиркорлик субъектларини янада қўллаб-қувватлаш чора-тадбирлари тўғрисида»ги қарорида белгиланган имтиёзлардан фойдаланиш тартиби тўғрисида маълумотлар берилди.
