Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
DEPUTATLAR AHOLINI BIRDAMLIKKA CHAQIRMOQDA
2020-03-29 13:40:10 988
Xalq deputatlari Uchko‘prik tumani kengashi deputatlari xayrli tadbirni boshlab berishdi.
Mazkur xayriya aksiyasi doirasida deputatlar o‘z saylov okruglarida bo‘lib, aholini epidemiyaga qarshi kurashishda birdamlikka chaqirmoqda.
Ehtiyojmand oilalarga oziq-ovqat mahsulotlari va tibbiyot niqoblari bepul tarqatilmoqda. Fuqarolarga kasallikni oldini olish bo‘yicha tushuntirishlar hamda dezinfeksiya ishlarini amalga oshirish bo‘yicha kerakli tavsiyalar berilmoqda. Bundan tashqari, narx-navo o‘sishining oldini olish maqsadida mahallalardagi tadbirkorlik sub’ektlari ish faoliyati ko‘zdan kechirildi. Nogironligi bo‘lgan xonadonlar holidan xabar olindi.
Jumladan, tuman kengashi deputatlari – Avazbek Rahmonov, SHerali Qobilov, Zamiraxon O‘ljaeva, Isroiljon Isaqov saylovchilari xonadonlariga borib, ularga oziq-ovqat mahsulotlari tarqatish bilan birgalikda, bugungi sinovli damlarni bahamjihatlikda engib o‘tish uchun imkon qadar ularni o‘z uylarida qolishlariga undashdi.
– Bugungi kunda biz deputatlar har doimgidan ham ko‘proq aholi yonida bo‘lishimiz va ularni qo‘llab-quvvatlashimiz shart, – deydi Isroiljon Isaqov. – CHunki bu sinovni muhtaram yurtboshimiz ta’kidlaganlaridek, faqatgina birlashib enga olamiz. Barchani birdamlikka chorlaymiz.
