Учкўприк туманидаги ёшлар хиёбонида "Ватан учун ижод қил, келажак учун технология ярат!" шиори остида ижодкор ва технологияга қизиққан ёшлар иштирокида кўргазмали тадбир ўтказилди. Туман ҳокимлиги, ёшлар ишлари агентлиги, мактабгача ва мактаб таълими бўлими, “Баркамол авлод” болалар маркази ҳамкорлигида ўтказилган тадбирда умумтаълим мактабларининг 200 нафарга яқин ўқувчи-ёшлари робототехника ва технологияга оид ишланмалари билан қатнашди. Тадбир давомида робототехниканинг сўнгги ютуқлари ва мураккаб технологик ишланмалардан тортиб оддий картон, ёғоч, пўкак каби материаллардан тайёрланган 100 дан ортиқ ижодий ишлар намойиш этилди. Барча ижодий ишлар йўналишлар бўйича баҳоланиб, фаол иштирокчилар муносиб рағбатлантирилди. Энг яхши иқтидор эгалари соҳа бўйича ўқиш ва ишлаш борасида қўллаб-қувватланиши маълум қилинди.