Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Учкўприк туманида 7 та оилавий нодавлат мактабгача таълим ташкилоти иш бошлади
2022-09-08 10:21:44 173
Ўзбекистон давлат мустақиллигининг 31 йиллик тантаналари арафасида Учкўприк туманида 7 та оилавий нодавлат мактабгача таълим ташкилоти иш бошлади.
Байрам кунларида мактабгача таълимга қамров даражаси нисбатан паст бўлган қишлоқларда маҳаллий тадбиркорлар томонидан ташкил этилган мазкур оилавий боғчалар 250 нафар болажонларни қабул қилиб олди.
“Юлғунзор” маҳалла фуқаролар йиғинида шу кунга қадар давлат мактабгача таълим ташкилоти мавжуд эмасди. Тадбиркор Гўзалхон Маҳмудова томонидан “Камалак” оилавий нодавлат мактабгача таълим ташкилоти ташкил қилиниб, ушбу маҳалла фуқаролар йиғинида яшовчи 50 нафар болажонлар боғчага жалб этилди.
Оилавий боғчаларнинг тантанали очилиш маросимларида сектор раҳбарлари, туман ҳокими ўринбосарлари, жамоатчилик вакиллари ҳамда маҳалла фаоллари иштирок этди.
Таъкидланишича, Учкўприк туманида мактабгача таълим ташкилотлари сони ва болаларни мактабгача таълимга қамраб олиш даражаси йилдан йилга ортиб бормоқда. Мактабгача таълим масканларини кўпайтириш учун оилавий, нодавлат ҳамда давлат-хусусий шериклик асосидаги боғчалар ташкил этилмоқда.
Маълумот учун, 2017 йилда Учкўприк туманида 33 та мактабгача таълим ташкилоти фаолият олиб борган. Бугун туманда мактабгача таълим ташкилотлари сони 175 тага етган бўлиб, шундан 41 таси давлат, 132 таси оилавий ва 2 таси давлат-хусусий шерикчилик асосидаги муассасалардир.
2017 йилда Учкўприк туманида мактабгача таълим ташкилотлари тарбияланувчилари 3 минг 620 нафарни ташкил этган бўлса, ўтган давр мобайнида ушбу кўрсаткич қарийб 5 баробарга ортган. Бугун туманда 15 минг 121 нафар боғча ёшидаги болалар мактабгача таълимга қамраб олинган.