Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
УЧКЎПРИКЛИК КАСАНАЧИ АЁЛЛАР 50 МИНГГА ЯҚИН НИҚОБ ТИКИШДИ
2020-04-05 14:08:55 1027
Учкўприк тумани Муллазоир мавзесидаги намунали хонадонларда яшовчи ногиронлиги бор 10 нафар хотин-қиз касаначилик фаолиятини йўлга қўйиш орқали иш билан таъминланди. Айни пайтда улар “Қўқон” эркин иқтисодий зонасида фаолият юритаётган "Pipitto" корхонаси буюртмаси асосида ўз уйларида ҳимоя ниқобларини тикишмоқда.
Туман маҳалла ва оилани қўллаб-қувватлаш бўлими бошлиғи ўринбосари Мунира Холмирзаеванинг таъкидлашича, айни пайтгача касаначи аёллар 47 минг дона ҳимоя ниқоби тикиб, буюртмачига етказиб беришган.
Аввалроқ уй-жойга муҳтож, оғир ижтимоий вазиятда яшаётган ҳамда ногиронлиги бўлган хотин-қизлар Муллазоир мавзесидаги янги уй-жойларга кўчиб ўтганди.
Арзонлаштирилган лойиҳа асосида уй-жойлар билан таъминланган, лекин доимий даромадга эга бўлмаган ва кредитини қоплашга лаёқатсиз, бироқ касаначилик билан шуғулланиш истагидаги хотин-қизларга туман ҳокимлиги томонидан замонавий тикув машиналари етказиб берилган.