Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
UCHKO‘PRIKLIK KASANACHI AYOLLAR 50 MINGGA YAQIN NIQOB TIKISHDI
2020-04-05 14:08:55 1028
Uchko‘prik tumani Mullazoir mavzesidagi namunali xonadonlarda yashovchi nogironligi bor 10 nafar xotin-qiz kasanachilik faoliyatini yo‘lga qo‘yish orqali ish bilan ta’minlandi. Ayni paytda ular “Qo‘qon” erkin iqtisodiy zonasida faoliyat yuritayotgan "Pipitto" korxonasi buyurtmasi asosida o‘z uylarida himoya niqoblarini tikishmoqda.
Tuman mahalla va oilani qo‘llab-quvvatlash bo‘limi boshlig‘i o‘rinbosari Munira Xolmirzaevaning ta’kidlashicha, ayni paytgacha kasanachi ayollar 47 ming dona himoya niqobi tikib, buyurtmachiga etkazib berishgan.
Avvalroq uy-joyga muhtoj, og‘ir ijtimoiy vaziyatda yashayotgan hamda nogironligi bo‘lgan xotin-qizlar Mullazoir mavzesidagi yangi uy-joylarga ko‘chib o‘tgandi.
Arzonlashtirilgan loyiha asosida uy-joylar bilan ta’minlangan, lekin doimiy daromadga ega bo‘lmagan va kreditini qoplashga layoqatsiz, biroq kasanachilik bilan shug‘ullanish istagidagi xotin-qizlarga tuman hokimligi tomonidan zamonaviy tikuv mashinalari etkazib berilgan.
