Ёзги таътил ўқувчилар учун нафақат дам олиш вақти, балки шахсий ривожланиш, қобилиятларини намоён қилиш учун қулай имкониятдир. Президентимиз ташаббуси билан ўқувчи-ёшларнинг ёзги таътил даврини мазмунли ташкил этиш, уларни маданий, маърифий ва спорт тадбирларига фаол жалб қилиш мақсадида "Долзарб 90 кун" лойиҳаси амалга оширилмоқда. Учкўприк туманидаги таълим муассасаларида ҳам мазкур лойиҳа доирасида таътил давомида ёшларнинг бўш вақтини унумли ўтказиш мақсадида турли маданий ва спорт тадбирлари, танлов ва мусобақалар ташкилланмоқда. Хусусан, 2-политехникумда ўқувчиларнинг ёзги таътил кунларини мазмунли, қизиқарли ва самарали ташкил этиш мақсадида шахмат тўгараги фаолияти йўлга қўйилган. Бу ерда 50 нафарга яқин ёшлар шахмат сирларини ўрганиб, вақтини мазмунли ўтказмоқда.