Учкўприк тумани “Қораянтоқ” маҳалла фуқаролар йиғинида жойлашган 51-умумтаълим мактаби учун 540 ўринли қўшимча ўқув биноси қурилмоқда. Қайд этилишича, 450 ўринга мўлжалланган мазкур таълим масканида ҳозирги кунда 800 нафардан зиёд ўқувчи икки навбатда таълим олмоқда. Шу сабабдан, тегишли тартибда мактаб учун 540 ўринли қўшимча бино қуриш бўйича инвестиция лойиҳаси тайёрланди. Мазкур ишларни амалга ошириш учун қарийб 7 миллиард 100 миллион сўм маблағ ажратилди. Ҳозирда “Stroy lider ideal komplekt” қурилиш ташкилоти томонидан мактабда қурилиш-таъмирлаш ва ободонлаштириш ишлари жадаллик билан давом эттирилмоқда.