Учкўприк туманида "Энг яхши хотин-қизлар фаоли” республика кўрик-танловининг туман босқичи ўтказилди. Оила ва хотин-қизлар бўлими томонидан ташкилланган кўрик-танловда тумандаги маҳалла фуқаролар йиғинларида самарали фаолият юритаётган хотин-қизлар фаолларининг 31 нафари ўзаро баҳслашишди. Танлов давомида иштирокчиларнинг тақдимотлари ҳамда ҳужжатлари ҳакамлар томонидан 9 та мезон асосида кўриб чиқилди ва баҳоланди. Якуний натижаларга кўра, “Қурбонқашқар", "Қораянтоқ”, “Яккамулла” ва “Истиқбол" маҳаллалари хотин-қизлар фаоллари танлов ғолиблари сифатида эътироф этилди. Ғолиблар туман ҳокимлиги ҳамда оила ва хотин-қизлар бўлими томонидан диплом ҳамда эсдалик совғалари билан тақдирланди.