Учкўприк туманининг "Наврўз" маҳалла фуқаролар йиғини ҳудудида аҳолини барқарор электр энергияси билан таъминлаш, мавжуд тармоқларни модернизация қилиш ва электр таъминотида узилишларни олдини олиш мақсадида замонавий тармоқ тортиш, трансформатор пунктларини ўрнатиш ишлари амалга оширилмоқда. "Камбағалликдан фаровонлик сари" дастури доирасида маҳаллага қуввати 160 кВА бўлган янги трансформатор пункти ўрнатилди. Лойиҳа якуни билан маҳалладаги уй хўжаликлари ва ижтимоий объектларни барқарор электр энергияси билан таъминлаш имкониятлари сезиларли даражада ошади. Янги трансформатор пунктлари орқали электр таъминотининг самарадорлиги, хавфсизлиги ва ишончлилиги таъминланади. Шу билан бирга, ортиқча юкламалар сабабли юзага келиши мумкин бўлган узилишлар ва кучланиш пастлиги каби муаммоларнинг олди олинади.