Maxsus imkoniyatlar

Ekran o'lchami:

50 %

Shrift o'lchami:

50 %
Saytni baholash
0
0
Sayt test rejimida ishlamoqda...

482025-08-26 13:58

“Султон” маҳалласида йўллар асфальтланиб, обод ва равон бўлмоқда

http://api3.fergana.uz/files/151600/news/file-2098657477920135.jpg
http://api3.fergana.uz/files/151600/news/file-2098657477923720.jpg
http://api3.fergana.uz/files/151600/news/file-2098657477926110.jpg
http://api3.fergana.uz/files/151600/news/file-2098657477928500.jpg
http://api3.fergana.uz/files/151600/news/file-2098657477929695.jpg
http://api3.fergana.uz/files/151600/news/file-2098657477932085.jpg
Учкўприк туманида “Ташаббусли бюджет” лойиҳаси доирасида амалга оширилаётган ишлар ҳудудларнинг ижтимоий ва иқтисодий ҳолатини янада мустаҳкамлашга хизмат қилмоқда. Фуқаролар эса бу жараёнда ўз фаоллигини кўрсатиб, таклифлари қўллаб-қувватланаётганидан мамнун бўлмоқда. Мазкур лойиҳада ўз ташаббуслари билан фаол қатнашган маҳаллалардаги йўл, ичимлик суви, электр таъминоти билан боғлиқ муаммолар босқичма-босқич ўз ечимини топмоқда. "Султон" маҳалла фуқаролар йиғини аҳолиси ҳам мазкур лойиҳада фаол иштирок этиб, ўз ташаббусларининг ғолиблар қаторидан ўрин олишига эришди. Маҳалла ҳудудидаги ички йўлларни таъмирлаш билан боғлиқ муаммога ташаббусли бюджет жараёни ечим бўлди. “Ташаббусли бюджет” лойиҳасининг жорий йил 1-мавсумида маҳалла ҳудудидаги ички йўлларни асфальтлаш юзасидан билдирилган таклиф ғолиб деб топилди. Ушбу ташаббусни амалга ошириш учун қарийб 1 миллиард 500 миллион сўм маблағ ажратилди. Лойиҳа доирасида маҳалла фуқаролар йиғини ҳудудидаги кўчалар асфальтланди – қарийб 3 минг 800 метрдан зиёд ички йўллар соз ва равон бўлди. Бундан ташқари, маҳалла фаолларининг ташаббуси ва ҳомийлар кўмагида 650 метр масофадаги ички йўлларга асфальт ётқизилди. Бу каби бунёдкорлик ишлари маҳаллаларда инфратузилма билан боғлиқ энг долзарб масалаларни тизимли ҳал этиш баробарида ҳудуд аҳолисининг хурсандчилигига ҳам сабаб бўлмоқда.

Bizni ijtimoiy tarmoqlarda kuzating!

Tavsiya etamiz