Учкўприк тумани "Инсон" ижтимоий хизматлар маркази томонидан "Инсон – инсонга кўмакчи" шиори остида коучинг тадбири ташкил этилди. Унда марказ ходимлари, маҳалла фаоллари ва ижтимоий кўмакка муҳтож аҳоли вакиллари қатнашди. Коучинг давомида фуқароларга ижтимоий ҳимоя соҳасидаги меъёрий ҳужжатлар мазмун-моҳияти, ижтимоий аҳамияти хусусида тушунчалар берилди. Йўлга қўйилаётган янги ижтимоий хизматлар ҳақида батафсил айтиб ўтилди. Шунингдек, фуқароларни қизиқтирган барча саволларга мутахассислар томонидан жавоб қайтарилди. "Инсон" маркази психологлар гуруҳи томонидан ўтказилган тренинг машғулоти ҳам қатнашувчиларда илиқ таассурот қолдирди. Тадбир якунида фаол иштирокчилар эсдалик совғалари билан тақдирландилар. Бу каби коучинг тадбирлари аҳолининг ҳуқуқий саводхонлигини ошириш ва ижтимоий хизматлардан самарали фойдаланишига, руҳий енгиликка эришиб, психологик қўллаб-қувватланишига катта ҳисса қўшади. Авазбек Мелиқўзиев, Учкўприк тумани "Инсон" ижтимоий хизматлар маркази раҳбари