Қувасой шаҳридаги 2-сон спорт мактабида "Ҳаваскорлар лигаси" спорт мусобақаларининг волейбол тури бўйича вилоят финал босқичи бўлиб ўтди. Мусобақада минтақа босқичида ғолиб чиққан 18-30 ёш тоифасидаги ўғил болалар жамоалари иштирок этди. Қувонарлиси, ўтказилган баҳсларда Учкўприк тумани жамоаси муваффақиятли иштирок этиб, 1-ўринни қўлга киритди ва мусобақа ғолиби бўлди. Ушбу натижалар Учкўприк туманида жамоавий спорт турларини ривожлантириш, ёшларни жисмоний тарбия ва соғлом турмуш тарзига кенг жалб этишга алоҳида аҳамият қаратилаётганидан далолатдир.